Maharashtra Kesari : शिवराज राक्षेची हर्षवर्धन सदगीरवर 6-0 अशी मात

Maharashtra Kesari : शिवराज राक्षेची हर्षवर्धन सदगीरवर 6-0 अशी मात धाराशिवमधल्या राज्य विजेेतेपद कुस्ती स्पर्धेत मूळचा पुण्याचा, पण नांदेडकडून खेळणारा शिवराज राक्षे महाराष्ट्र केसरी किताबाचा मानकरी ठरला. शरद पवार आश्रयदाते असलेल्या महाराष्ट्र कुस्तीगीर परिषदेच्या राज्य विजेतेपद कुस्तीत शिवराज सलग दुसऱ्यांदा महाराष्ट्र केसरी ठरला. त्यानं किताबाच्या कुस्तीत नाशिकच्या हर्षवर्धन सदगीरचा ६-० असा सहा गुणांच्या फरकानं पराभव केला. शिवराज आणि हर्षवर्धन हे दोघंही काका पवारांच्या आंतरराष्ट्रीय क्रीडा संकुलाचे पैलवान आहे. त्यातही शिवराज राक्षे हा मूळचा पुण्याच्या खेड तालुक्यातल्या राक्षेवाडीचा पैलवान आहे. रामदास तडस अध्यक्ष असलेल्या महाराष्ट्र कुस्तीगीर परिषदेच्या राज्य विजेतेपद स्पर्धेत शिवराजला महाराष्ट्र केसरी किताबाच्या कुस्तीत सिकंदर शेखकडून २८ सेकंदात हार स्वीकारावी लागली होती.