Maharashtra Floods: 'सिंचन विहिरींसाठी मिळणार 30 हजार रुपये', CM Devendra Fadnavis यांची घोषणा

राज्यातील पूरग्रस्त भागातील (Flood-affected areas) शेतकऱ्यांसाठी (farmers) मुख्यमंत्री देवेंद्र फडणवीस (CM Devendra Fadnavis) यांनी एका नवीन योजनेची घोषणा केली आहे. या घोषणेनुसार, 'खचलेल्या आणि बुजलेल्या सिंचन विहिरींच्या दुरुस्तीसाठी आता आर्थिक मदत दिली जाणार आहे'. जून ते सप्टेंबर दरम्यान झालेल्या अतिवृष्टीमुळे नुकसान झालेल्या शेतकऱ्यांना या योजनेचा लाभ मिळेल. शासनाच्या या निर्णयानुसार, सिंचन विहिरींच्या दुरुस्तीसाठी एकूण तीस हजार रुपयांची मदत दिली जाणार असून, त्यापैकी पंधरा हजार रुपये आगाऊ स्वरूपात मिळतील. पंचनामे पूर्ण झालेल्या विहिरींच्या शेतकऱ्यांना मदतीसाठी गटविकास अधिकाऱ्यांकडे अर्ज सादर करावा लागेल. मुख्यमंत्र्यांनी संबंधित अधिकाऱ्यांना सात दिवसांच्या आत विहिरींची स्थळपाहणी पूर्ण करण्याचे आदेश दिले आहेत, जेणेकरून शेतकऱ्यांना लवकरात लवकर दिलासा मिळू शकेल.