Bihar Elections : बिहारच्या 'Mission' वर मुख्यमंत्री फडणवीस,उद्या दिल्लीत भाजपच्या CEC बैठकीला हजेरी

मुख्यमंत्री देवेंद्र फडणवीस (CM Devendra Fadnavis) उद्या दिल्ली दौऱ्यावर जाणार असून, ते भारतीय जनता पक्षाच्या (BJP) केंद्रीय निवडणूक समितीच्या (CEC) बैठकीला उपस्थित राहणार आहेत. बिहार विधानसभा निवडणुकीच्या (Bihar Elections) पार्श्वभूमीवर या बैठकीला महत्त्व प्राप्त झाले आहे. ही बैठक बिहार निवडणुकीसाठी उमेदवारांची नावे निश्चित करण्याच्या दृष्टीने अत्यंत महत्त्वाची मानली जात आहे. पंतप्रधान नरेंद्र मोदी यांच्या अध्यक्षतेखाली होणाऱ्या या बैठकीत देवेंद्र फडणवीस यांची सदस्य म्हणून उपस्थिती, महाराष्ट्राच्या राजकारणाबाहेरही त्यांची राष्ट्रीय पातळीवरील भूमिका अधोरेखित करते. या दौऱ्यामुळे आणि बैठकीतील सहभागामुळे बिहारच्या निवडणूक रणनीतीत फडणवीसांची भूमिका काय असेल यावर राजकीय वर्तुळात चर्चा सुरू झाली आहे.