Rohit Pawar : सचिन घायवळ प्रकरणात रोहित पवारांचे मुख्यमंत्र्यांवर आरोप

आमदार रोहित पवार (Rohit Pawar) यांनी गुन्हेगारी पार्श्वभूमीच्या सचिन घायवळ (Sachin Ghaywal) प्रकरणावरून थेट मुख्यमंत्री आणि सरकारवर गंभीर आरोप केले आहेत. रोहित पवार यांच्या मते, 'सुजय विखेंसाठी (Sujay Vikhe) मुख्यमंत्र्यांच्या प्रचार सभेमध्ये सचिन घायवळ हा व्यासपीठावरती होता' आणि याचा व्हिडिओ त्यांनी जाहीर केला. गुंडाला इतक्या सहजपणे पासपोर्ट (Passport) कसा मिळाला, असा सवालही रोहित पवार यांनी उपस्थित केला आहे. इतकेच नाही, तर तानाजी सावंत (Tanaji Sawant) यांचे पुतणे घायवळ यांचे भागीदार असून राम शिंदे (Ram Shinde) यांनीही त्याला मदत केल्याचा आरोप पवारांनी केला. याव्यतिरिक्त, धनंजय सावंत आणि कुख्यात गुंड निलेश घायवळ (Nilesh Ghaywal) यांचे पवनचक्कीचे (Windmill) रॅकेट असल्याचा घणाघाती आरोपही रोहित पवार यांनी केला, ज्यामुळे राज्याच्या राजकारणात खळबळ उडाली आहे.