Asim Sarode Sanad Canceled: असीम सरोदेंची सनद तीन महिन्यांसाठी रद्द, बार कौन्सिलची कठोर कारवाई

पुण्यातील वकील असीम सरोदे (Asim Sarode) यांची सनद महाराष्ट्र आणि गोवा बार कौन्सिलने (Bar Council of Maharashtra and Goa) तीन महिन्यांसाठी निलंबित केली आहे. राज्यपाल आणि विधानसभा अध्यक्षांविषयी सार्वजनिक कार्यक्रमात वादग्रस्त वक्तव्य केल्याप्रकरणी ही कारवाई करण्यात आली आहे. सरोदे यांचं वक्तव्य 'अशोभनीय, गैर आणि बदनामीकारक' असल्याचा ठपका बार कौन्सिलने ठेवला आहे. तक्रारदाराने १९ मार्च रोजी तक्रार दाखल केली होती, ज्यामध्ये सरोदे यांनी राज्यपालांसाठी 'फालतू' शब्द वापरल्याचा आरोप होता. आपला अपमान करण्याचा हेतू नव्हता, सर्वसामान्य भाषेतील शब्द वापरला, असा युक्तिवाद सरोदे यांनी केला होता. मात्र, अॅड. विवेकानंद घाटगे (Advocate Vivekanand Ghatge) यांच्या अध्यक्षतेखालील समितीने हा युक्तिवाद फेटाळून लावत कारवाईचा निर्णय दिला.