Konkan Tourism : पर्यटकांची पावलं पुन्हा एकदा कोकणाकडे, समुद्र किनारे पर्यटकांनी फुलले

राज्यातील तीर्थक्षेत्रे आणि पर्यटन स्थळांवरील उठवले निर्बंध हरवल्यामुळे दिवाळीच्या सुट्टीचा आनंद लुटण्यासाठी पर्यटकांची पावले कोकणातील समुद्र किनाऱ्यावर वळली आहेत. गेले दीड दोन वर्ष घरात कोंडले गेलेले नागरिक पर्यटनासाठी घराबाहेर पडू लागले असल्याने राज्यातील तीर्थक्षेत्रे आणि पर्यटनस्थळांवर पर्यटकांची गर्दी होऊ लागली आहे. पर्यटनासाठी बाहेर पडलेल्या पर्यटकांची पहिली पसंती निसर्गरम्य कोकणालाच असल्याने कोकणातील सर्वच समुद्रकिनारे पर्यटकांच्या गर्दीने फुलून गेले आहेत. पर्यटन स्थळांवर पर्यटक येऊन लागल्याने पर्यटन व्यवसायालाही चालना मिळाली असल्याने गेली दोन वर्ष आर्थिक समस्येच्या गर्तेत अडकलेल्या पर्यटन व्यावसायिकांच्या चेहऱ्यावर समाधानाचे हसू दिसू लागले आहे.