Kolhapur News | कुत्रा चावलेल्या म्हशीचं दूध प्यायलेल्या नागरिकांत घबराट | ABP Majha

एका म्हशीला कुत्रं चावलं आणि अख्खं गाव दवाखान्यात गेलं, असा अजब प्रकार कोल्हापुरातील शिये गावात घडलाय. कुत्र चावलेल्या या म्हशीचा ४ दिवसांपूर्वी रेबीजनं मृत्यू झाला. त्यामुळं घाबरलेल्या लोकांनी उपजिल्हा रुग्णालयात धाव घेतली. एका दिवसात तब्बल २०० जणांनी रेबीजची लस घेतल्याचं कळंतय. याची माहिती संबंधीत शासकीय विभागांना कळताच यंत्रणा गतीमान झाली. नागरिकांनी दूध उकळून घेतलं असेल तर काळजी नाही. पण ज्यांनी दूध न उकळता घेतलं त्यांनी रेबीजची लस घेण्याचा सल्ला डॉक्टरांनी दिलाय. गोकुळ दूध संघाच्यावतीनं गावातील जनावरांची तपासणी होणार आहे. या प्रकारानं कुणीही घाबरुन जाऊ नये असं आवाहन वशुवैद्यकीय अधिकाऱ्यांनी केलंय.