KDMDC Demolition | चुकीच्या इमारतीवर कारवाई, ठाकरेंच्या शिवसेनेचा KDMDC प्रशासनावर हल्लाबोल

ठाकरेंच्या शिवसेनेचे जिल्हाप्रमुख दिपेश म्हात्रे यांनी केडीएमसी प्रशासनावर जोरदार हल्लाबोल केला आहे. कोर्टाने जय मल्हार इमारतीवर कारवाईचे आदेश दिले होते, मात्र त्यावर कारवाई न करता समर्थ अपार्टमेंटवर कारवाई केली जात असल्याचा आरोप म्हात्रे यांनी केला. केडीएमसीचा कारभार भोंगळ असून, कोर्टाने दिलेली ऑर्डर मल्हार राईट्सच्या नावाने असताना समर्थ कृपा बिल्डींगवर कोणत्या अधिकाऱ्याने कारवाई केली, असा प्रश्न त्यांनी उपस्थित केला. "कोर्टानी दिलेली ऑर्डर ही मल्हार राईट्सच्या नावाने असताना समर्थ कृपा बिल्डींगवरती कोणत्या अधिकाऱ्याने केडीएमसी कारवाई करते?" असे म्हात्रे यांनी म्हटले. माजी केडीएमसी प्रशासनाला त्यांनी विनंती केली आहे की, उद्या आपली कारवाई रद्द करावी. कारवाई रद्द न केल्यास समर्थ राईट्ससमोर शिवसेना उद्धव बाळासाहेब ठाकरे पक्षाकडून मोठा गोंधळ होणार असल्याचा इशारा त्यांनी दिला. सत्ताधाऱ्यांनाही यावर जबाब दिला जाईल, असे म्हात्रे यांनी स्पष्ट केले. ही कारवाई चुकीची असून, प्रशासनाने योग्य ती पावले उचलावीत, अशी मागणी त्यांनी केली.