Jitendra Awhad On Baba Baba Siddique Short Dead : बाबा सिद्दिकींवर हल्ला म्हणजे पोलिस यंत्रणेत राजकीय हस्तक्षेप झाल्याचा परिणाम

Jitendra Awhad On Baba Baba Siddique Short Dead :  बाबा सिद्दिकींवर हल्ला म्हणजे  पोलिस यंत्रणेत राजकीय हस्तक्षेप झाल्याचा परिणाम
राष्ट्रवादी काँग्रेस अजित पवार गटाचे नेते बाबा सिद्दिकी यांची मुंबईत शनिवारी (12 ऑक्टोबर) गोळ्या घालून हत्या करण्यात आली. अज्ञात हल्लेखोरांनी बाबा सिद्दिकी यांच्यावर गोळ्या झाडल्या. त्यानंतर त्यांना जखमी अवस्थेत लीलावती रुग्णालयात दाखल करण्यात आलं. पण त्यांचा मृत्यू झाला.  बाबा सिद्दिकी यांचा अंत्यविधी आज (13 ऑक्टोबर) रात्री साढेआठ वाजता मरीन लाइन्स स्टेशनजवळील बडा कब्रस्तान येथे पार पडणार आहे. मुलगा झिशान सिद्दिकी यांनी आपल्या एक्स अकाउंटवरुन याबाबत माहिती दिली आहे.  तत्पुर्वी नमाज ए जनाजा म्हणजे शेवटची प्रार्थना संध्याकाळी 7 वाजता त्यांच्या मकबा हाईट्स या राहत्या घरी होईल, असंही झिशान सिद्दिकी यांनी एक्स अकाउंटवरून सांगितले.  बाबा सिद्दिकींचे चिरंजीव आणि आमदार झिशान सिद्दिकी यांच्या खेरवाडी सिग्नलजवळ असलेल्या कार्यालयाकडे जात असताना बाबा सिद्दिकींवर तीन अज्ञातांकडून गोळीबार केला ज्यात त्यांचा मृत्यू झाला.  या प्रकरणी निर्मल नगर पोलिसांनी दोन जणांना ताब्यात घेतलं आहे. यातील एक आरोपी हरियाणा तर दुसरा उत्तर प्रदेश इथला असल्याची माहिती आहे. मुंबई क्राईम ब्रांचकडून घटनेचा तपास केला जात आहे. दरम्यान, सिद्दिकी यांचा मृतदेह शवविच्छेदनासाठी कूपर रुग्णालयात नेण्यात आला आहे.