Jalgaon Crime : शेजारच्या मांजराला गोळी घालून ठार मारलं; जळगावच्या योजना नगरमधील घटना

शेजाऱ्याच्या मांजरानं आपली कोंबडी खाल्ल्याच्या रागातून कोंबडीमालकानं मांजराला गोळी घालून ठार मारलंय..जळगाव शहरातल्या योजना नगर भागात ही घटना घडलीय. पोलिसांनी हेमराज सोनवणे नावाच्या व्यक्तीला ताब्यात घेतलंय असून गुन्हा दाखल करण्याची प्रक्रिया सुरु आहे. हेमराज सोनवणे आणि पुष्कराज बानाईत हे दोघे शेजारी-शेजारी राहतात. हेमराज सोनवणे यांना कोंबड्या पाळण्याची आवड आहे..तर बानाईत यांना मांजर पाळण्याची. गेल्या काही दिवसांपासून बानाईत यांच्या माजरानं हेमराज सोनवणे यांच्या कोंबडीची पिल्ले फस्त केली होती. त्यामुळं सोनवणे यांना राग होता..त्यामुळं सोनवणे यांनी मांजराच्या पिलाला गोळी घालून ठार केलं..शिवाय बानाईत यांनाही धमकी दिल्याचा आरोप आहे.