Kabutarkhana Protest : कबूतरखान्यासाठी जैन मुनी निलेशचंद्र आझाद मैदानावर, उपोषणाला सुरूवात

दादर (Dadar) येथील कबूतरखान्याच्या (Kabutarkhana) प्रश्नावरून जैन मुनी निलेशचंद्र (Jain Muni Nileshchandra) यांनी उपोषण सुरू केले आहे, ज्यावर मंत्री मंगलप्रभात लोढा (Mangal Prabhat Lodha) यांनी प्रतिक्रिया दिली आहे. 'मी त्यांचा आदर करतो पण त्यांच्या निर्णयावर मी सहमत नाही,' असे स्पष्ट मत मंत्री मंगलप्रभात लोढा यांनी व्यक्त केले आहे. दादरमधील जुना कबूतरखाना पुन्हा सुरू करावा, या मागणीसाठी जैन मुनी निलेशचंद्र यांनी मुंबईच्या आझाद मैदानात (Azad Maidan) अन्न-पाण्याचा त्याग करून आमरण उपोषणाला सुरुवात केली आहे. 'जोपर्यंत जीव आहे तोपर्यंत आम्ही जीवदयेसाठी लढू,' असा इशारा देतानाच, मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस (Devendra Fadnavis) यांनी यात लक्ष घालून तोडगा काढावा, अशी मागणीही त्यांनी केली आहे. जोपर्यंत सरकार निर्णय घेत नाही, तोपर्यंत आंदोलन सुरूच राहील, असा निर्धार मुनींनी व्यक्त केला आहे.