Phaltan Protest: 'एकटीला का बोलावता?', Sushma Andhare यांचा पोलिसांना सवाल, आंदोलनावर ठाम

फलटण (Phaltan) येथे शिवसेना (UBT) उपनेत्या सुषमा अंधारे (Sushma Andhare) यांच्या नेतृत्वात तीव्र आंदोलन सुरू आहे. डॉ. संपदा मुंडे (Dr Sampada Munde) आत्महत्या प्रकरणात न्यायाच्या मागणीसाठी अंधारे आणि शेकडो कार्यकर्ते पोलीस ठाण्याबाहेर जमले आहेत. 'मी आज मधे एकटी गेले आणि बाहेर आले, उद्या याच्यातला जर कोणी म्हणाला की सुषमा अंधारने मधे जाऊन काही तोडफोड केली तर आम्ही काय करायचं?' असा सवाल करत सुषमा अंधारे यांनी एकट्यात चर्चेला जाण्यास नकार दिला. पोलीस प्रशासनाने बाहेर येऊन सर्वांसमोर चर्चा करावी, अशी आग्रही मागणी त्यांनी केली आहे. आम्ही कायद्याचा सन्मान करतो, पण प्रशासनाच्या अहंकारी वृत्तीपुढे झुकणार नाही, असेही त्या म्हणाल्या. गेल्या पाच तासांपासून उन्हात बसून आम्ही आंदोलन करत आहोत, तुम्हाला पाच मिनिटे बाहेर येता येत नाही का, असा संतप्त सवाल त्यांनी उपस्थित केला आहे. या आंदोलनामुळे फलटणमध्ये तणावाचे वातावरण निर्माण झाले आहे.