Nilesh Chandra Maha Katta : ...तर आम्ही मराठी बोलणार नाही, जैन मुनी नेमकं काय म्हणाले?

मुंबई: जैन मुनी निलेश चंद्र यांनी आज 'माझा महा कट्टा' या कार्यक्रमात अत्यंत वादग्रस्त विधान करून राजकीय वर्तुळात खळबळ उडवून दिली आहे. त्यांनी थेट देवेंद्र फडणवीस यांच्या नेतृत्वाखालील सरकारमध्ये "गद्दार नेते" असल्याची टीका केली, तसेच "योगी आदित्यनाथ यांना महाराष्ट्राचे मुख्यमंत्री बनवा" अशी मागणी केली.

 

महायुतीतील नेत्यांवर निशाणा

कार्यक्रमादरम्यान, जैन मुनी निलेश चंद्र यांनी कबुतरखाना आणि महायुतीतील अनेक मंत्र्यांवर जोरदार निशाणा साधला. त्यांनी सध्याच्या नेतृत्वावर नाराजी व्यक्त करताना, धर्माचे संरक्षण आणि विकासासाठी नेतृत्वात बदल करण्याची गरज असल्याचे अप्रत्यक्षपणे सूचित केले.

धर्मासाठी आम्हीच आमदार, खासदार उभे करू

जैन मुनी यांनी आपल्या वक्तव्यात पुढे म्हटले की, "धर्मासाठी आम्हीच आमदार, खासदार उभे करू आणि मोदींकडे जाऊ." त्यांच्या या विधानामुळे येत्या काळात राजकारणात धार्मिक आणि सामाजिक संघटनांच्या हस्तक्षेपाबद्दल चर्चा सुरू होण्याची शक्यता आहे.

 धर्म वाचवण्यासाठी शस्त्र उचलण्याचे आवाहन

एवढेच नव्हे, तर जैन मुनी निलेश चंद्र यांनी एका अत्यंत कठोर शब्दांत "धर्म वाचवण्यासाठी प्रत्येक व्यक्तीने शस्त्र उचलायला पाहिजे" असे आवाहन केले, ज्यामुळे त्यांच्या वक्तव्यावर टीका होण्याची शक्यता आहे.

'मराठी बोलणार नाही'चे वक्तव्य काय?

Nilesh Chandra Maha Katta मध्ये त्यांनी दुसरे एक विधान केले, ज्यामध्ये त्यांनी "...तर आम्ही मराठी बोलणार नाही" असे म्हटले आहे. हे विधान नेमके कोणत्या संदर्भात केले आहे आणि त्याचा अर्थ काय आहे, याबद्दलची उत्सुकता वाढली आहे.