Sharad Pawar X Post: 'नारीशक्ती हीच भारताची ताकद', शरद पवार आणि अमिताभ बच्चन यांची एक्स पोस्ट

भारतीय महिला क्रिकेट संघाने (Indian Women's Cricket Team) वनडे विश्वचषक (ODI World Cup) जिंकून देशाच्या गौरवात भर टाकली आहे. या ऐतिहासिक विजयानंतर पंतप्रधान नरेंद्र मोदी (Narendra Modi), राष्ट्रवादी काँग्रेसचे अध्यक्ष शरद पवार (Sharad Pawar) आणि ज्येष्ठ अभिनेते अमिताभ बच्चन (Amitabh Bachchan) यांनी संघाचे अभिनंदन केले आहे. शरद पवार यांनी, 'आपल्या लेकींनी पुन्हा एकदा दाखवून दिलं की नारीशक्ती हीच भारताची ताकद आहे,' असे म्हणत संघाचे आणि त्यांच्या सहकाऱ्यांचे अभिनंदन केले. पंतप्रधान नरेंद्र मोदी यांनी संपूर्ण टीमला दुपारच्या जेवणासाठी निमंत्रण दिले आहे. 'तुम्ही आम्हा सगळ्यांसाठी अभिमानाची गोष्ट घेऊन आलेला आहात,' अशा शब्दांत अमिताभ बच्चन यांनी भारतीय संघाचे त्रिवार अभिनंदन केले. या विजयाने नवा इतिहास रचला असून प्रत्येक भारतीयासाठी हा अभिमानास्पद क्षण असल्याचे म्हटले जात आहे.