Sputnik V Vaccine : रशियाच्या स्पुटनिक V लसीची पहिली खेप भारतात दाखल, लसीकरण मोहिमेला वेग येणार

नवी दिल्ली : कोरोना संकट आणि त्यात लसीचा तुटवडा या संकटाच्या काळात देशासाठी चांगली बातमी आली आहे. रशियन लस स्पुटनिक V लसीची पहिली खेप शनिवारी हैदराबादला पोहोचली आहे. रशियावरुन खास विमानाने स्पुटनिकची ही लस हैदराबादला दाखल झाली आहे. कोरोना व्हायरसविरूद्ध ही लस 90 टक्क्यांहून अधिक प्रभावी आहे. या लसीचे डोस उपलब्ध झाल्याने लसीकरणाला गती मिळणार आहे. लसीकरणाला गती देण्यासाठीच केंद्र सरकारने काही दिवसांपूर्वी स्पुटनिक V लसीला आपत्कालीन वापरास मान्यता दिली आहे.