Green Energy: 'सोलर पॅनलपेक्षा तिप्पट वीज निर्माण करतो', Guinness रेकॉर्ड धारक मुस्तफा अकलवाडलांचा दावा

इंडिया मेरीटाईम वीक २०२५ (India Maritime Week 2025) मुंबईत सुरू झाले असून, यात अनेक नवीन तंत्रज्ञान सादर होत आहेत. यामध्ये जेस्ट एंटरप्राइजचे (Jest Enterprise) मुस्तफा अकलवाडला (Mustafa Akalwadla) यांनी सादर केलेले 'आर्किमिडीज एलिव्हेटेड विंड टरबाइन' (Archimedes Elevated Wind Turbine) सर्वांचे लक्ष वेधून घेत आहे. 'हे विंड टरबाइन सोलर पॅनलपेक्षा तीन पट जास्त वीज निर्माण करते,' असा दावा मुस्तफा अकलवाडला यांनी केला आहे. मुस्तफा हे गिनीज वर्ल्ड रेकॉर्डचे मानकरी असून, त्यांनी सोलर पॅनलद्वारे मुंबईत सर्वाधिक वीज निर्माण करून रेल्वेला पुरवली आहे. त्यांचे हे नवे संशोधन ग्रीन एनर्जी क्षेत्रात एक मोठे पाऊल मानले जात आहे.