Maritime Week 2025 : महाराष्ट्राला इंडिया मेरीटाईम वीक 2025चा मान, शाहांच्या हस्ते उद्घाटन

मुंबईत 'इंडिया मेरीटाईम वीक २०२५' ला सुरुवात झाली असून, केंद्रीय गृहमंत्री अमित शाह यांच्या हस्ते या कार्यक्रमाचे उद्घाटन झाले आहे. या कार्यक्रमातील सर्वात मोठे वैशिष्ट्य म्हणजे, 'सोलर पॅनलपेक्षा तीनपट जास्त वीज' निर्माण करणारे नवीन विंड टर्बाइन. जेस्ट एंटरप्राइजचे मुस्तफा अकलवाल यांनी हे 'आर्किमिडीज एलिव्हेटेड विंड टर्बाइन' सादर केले असून, भारतात ते पहिल्यांदाच लाँच करण्यात आले आहे. या कार्यक्रमाला विविध किनारी राज्यांचे मुख्यमंत्री आणि वरिष्ठ अधिकारीही उपस्थित आहेत. जगभरातील प्रतिनिधींनी या प्रदर्शनात सहभाग घेतला असून, यात अनेक नवीन सागरी तंत्रज्ञान सादर केले जात आहेत. हे नवीन विंड टर्बाइन सौर ऊर्जेला एक सक्षम पर्याय म्हणून समोर येत असल्याने, ग्रीन एनर्जी क्षेत्रात याकडे मोठ्या अपेक्षेने पाहिले जात आहे.