Delhi Blast : दिल्ली स्फोटानंतर Nashik मध्ये High Alert, Ramkund परिसरात पोलिसांचा बंदोबस्त

दिल्लीतील लाल किल्ला मेट्रो स्टेशनजवळ झालेल्या स्फोटानंतर (Delhi Blast) देशभरात हाय अलर्ट (High Alert) जारी करण्यात आला आहे. याच पार्श्वभूमीवर, नाशिकमध्ये (Nashik) पोलीस यंत्रणा सतर्क झाली असून रामकुंड (Ramkund), पंचवटी (Panchvati) आणि तपोवन (Tapovan) यांसारख्या संवेदनशील आणि गर्दीच्या ठिकाणी सुरक्षा वाढवण्यात आली आहे. 'नाशिक पोलिसांकडून सुरक्षेच्या दृष्टीनं रामकुंड परिसरामध्ये येणाऱ्या वाहनांची तपासणी केली जात आहे,' असे आमच्या प्रतिनिधीने सांगितले. देशभरातून येणाऱ्या भाविकांची आणि पर्यटकांची सुरक्षितता सुनिश्चित करण्यासाठी, नाशिक पोलीस (Nashik Police) शहरात प्रवेश करणाऱ्या प्रत्येक वाहनाची आणि संशयित व्यक्तींची कसून चौकशी करत आहेत. काळाराम मंदिराकडे (Kalaram Mandir) जाणाऱ्या मार्गावरही विशेष पोलीस बंदोबस्त तैनात करण्यात आला आहे.