Hingoli : गंगाखेड शुगर फॅक्टरी ईडीच्या रडारवर, मिलच्या नावाने असलेली 39 .37 हेक्टर शेतजमीन सिल

कळमनुरी तालुक्यातील वाकोडी व खापरखेडा शेतशिवारात गंगाखेड शुगर अॅण्ड एजन्सी लिमिटेड विजयनगर माखणीतर्फे मुख्य शेतकरी अधिकारी नंदकिशोर रतनलाल शर्मा यांच्या नावाने असलेली 39.37 हेक्टर जमीन अंमलबजावणी संचालनालयाच्या पथकाने 4 जानेवारी रोजी सील केली. यासाठी तहसीलच्या मंडळ अधिकारी व तलाठ्यांना सोबत घेतले होते.

 

ईडीचे अधिकारी 4 जानेवारी रोजी तहसील कार्यालयात दाखल झाले. तहसीलदार सुरेखा नांदे यांच्याशी या जमिनीबाबत चर्चा करून त्यांनी मनुष्यबळ मागितले. वाकोडी, खापरखेडा येथील जमीन सील करावयाची आहे, असे सांगितले. आपल्यासोबत मंडळ अधिकारी व तलाठी यांना घेऊन ते वाकोडी व खापरखेडा शिवारात गेले. आणि त्या ठिकाणची गंगाखेड शुगर मिल च्या नावाने असलेल्या एकूण 39 .37 हेक्टर शेतजमीन सिल केली आहे.