Ganesh Utsav Passenger | कोकण रेल्वे प्रवाशांचे हाल, ठाणे स्थानकात 25 तास रांगेत

गणेशोत्सवासाठी कोकणात जाणाऱ्या गणेशभक्तांना कोकण रेल्वेने प्रवास करताना मोठ्या अडचणींचा सामना करावा लागत आहे. ठाणे स्थानकातील फलाट क्रमांक सातवर कोकण कन्या एक्सप्रेसच्या General बोगीमधून प्रवास करण्यासाठी प्रवासी आपल्या कुटुंबासह फलाटावरच थांबले आहेत. प्रवाशांनी काल संध्याकाळपासून तब्बल पंचवीस तास आधी ठाणे स्थानकात येऊन रांग लावली आहे. मात्र, या रांगेतही त्यांना अनेक समस्यांना तोंड द्यावे लागत आहे. रेल्वे प्रशासनाने रांगेची जबाबदारी RPF कडे सोपवली असली तरी, प्रवाशांना मूलभूत सुविधा पुरवण्यात अपयश आल्याचे चित्र आहे. आमच्या प्रतिनिधी हितेश पानशाल यांनी या परिस्थितीचा आढावा घेतला. एका प्रवाशाने सांगितले की, 'प्रशासनाकडे तेच फेस्टिवलसाठी तरी पॅसेंजर डब्ब्यांची गाडीची डब्बे वाढवावीत.' पुण्याहून आलेल्या एका प्रवाशानेही अतिरिक्त ट्रेन किंवा बोगी नसल्याने उभे राहून प्रवास करावा लागत असल्याची खंत व्यक्त केली. कोकणवासीयांसाठी सुकर प्रवासाची मागणी जोर धरत आहे.