Akola News : बाळापुरात सोयाबीन नोंदणीवरून गोंधळ, शेतकरी संतप्त

अकोला (Akola) जिल्ह्यातील बाळापूर (Balapur) येथे सोयाबीन (Soybean) विक्रीच्या नोंदणीसाठी शेतकऱ्यांनी मोठी गर्दी केल्याने प्रशासकीय नियोजन कोलमडले आहे. संपूर्ण बाळापूर तालुक्यासाठी केवळ एकच नोंदणी केंद्र उपलब्ध करून दिल्यामुळे केंद्रावर अनागोंदी माजली आणि शेतकरी संतप्त झाले. या गोंधळामुळे संतप्त झालेल्या शेतकऱ्यांनी रस्त्यावर उतरून 'रास्तारोको' आंदोलन केले. परिस्थिती नियंत्रणात आणण्यासाठी पोलीस प्रशासनाकडून शेतकऱ्यांना समजावण्याचे प्रयत्न सुरू आहेत. केंद्रावर लागलेल्या लांबच लांब रांगा आणि नोंदणीतील गोंधळ यामुळे शेतकऱ्यांमध्ये प्रचंड नाराजी पसरली आहे.