Terror Crackdown: फरीदाबादमध्ये डॉक्टरच्या घरातून ३५० किलो स्फोटके जप्त, Dr. Adil सह तिघे अटकेत

जम्मू काश्मीर पोलिसांनी (Jammu Kashmir Police) हरियाणातील फरीदाबादमध्ये (Faridabad) मोठी कारवाई करत दहशतवादी कट उधळला आहे. या कारवाईत डॉक्टर आदिल अहमद (Dr. Adil Ahmed) आणि डॉक्टर मुझम्मिल शकील (Dr. Muzammil Shakeel) यांच्यासह तिघांना अटक करण्यात आली आहे. जम्मू काश्मीर पोलिसांनी दिलेल्या माहितीनुसार, फरीदाबादमधील एका घरातून दोन एके-४७ रायफल आणि सुमारे ३५० किलो स्फोटके जप्त करण्यात आली आहेत. अटक करण्यात आलेला एक डॉक्टर, मुझम्मिल शकील, हा पुलवामाचा रहिवासी असल्याचे समोर आले आहे, ज्यामुळे या प्रकरणाचे काश्मीर कनेक्शन स्पष्ट झाले आहे. जम्मू काश्मीर पोलिसांच्या माहितीनुसार, ही कारवाई डॉक्टर आदिल याच्या चौकशीतून मिळालेल्या माहितीच्या आधारे करण्यात आली, ज्याच्या लॉकरमधून यापूर्वीही शस्त्रे जप्त करण्यात आली होती. या मोठ्या शस्त्रसाठ्यामुळे राष्ट्रीय राजधानी क्षेत्रातील (NCR) सुरक्षेवर पुन्हा एकदा गंभीर प्रश्नचिन्ह निर्माण झाले आहे.