Eknath Shinde on Budget : देवेंद्र फडणवीस यांनी विरोधकांचा करेक्ट कार्यक्रम केला ABP Majha
Maharashtra Budget 2023: ''अर्थसंकल्पातून मधाचं बोट लावण्याचा प्रयत्न करण्यात आला आहे. गाजर हलवा अर्थसंकल्प आहे'', अशी टीका उद्धव ठाकरे यांनी अर्थसंकल्पावर केली आहे. यावरच आता मुख्यमंत्री एकनाथ शिंदे प्रत्युत्तर दिलं आहे. ''आम्ही गाजर हलवा तरी देतोत त्यांनी (उद्धव ठाकरे) काहीच दिलं नाही. स्वतः खाल्लं दुसऱ्याला काहीच दिलं नाही'', असा टोला मुख्यमंत्री एकनाथ शिंदे यांनी उद्धव ठाकरे यांना लगावला आहे. राज्यातील सत्तांतरानंतर शिंदे-फडणवीस सरकारने आपला पहिला अर्थसंकल्प सादर केला आहे. यानंतर झालेल्या पत्रकार परिषदेत मुख्यमंत्री शिंदे म्हणाले की, ''आकडे फुगविण्यासाठी आम्ही बजेट मांडला नाही. आम्ही काही शिल्लक ठेवलं नाही. बजेटचे आकडे पाहिल्यानंतर त्यांना (विरोधी पक्षांना) बोलायला काही नव्हतं. त्यांच्याकडे उत्तर नाही. त्यांचा देवेंद्र फडणवीस यांनी करेक्ट कार्यक्रम केला आहे.''