Eknath Shinde Holi : मुख्यमंत्री झाल्यानंतर एकनाथ शिंदेंची पहिली होळी, वर्षा केलं होलिका दहन

मुख्यमंत्री एकनाथ शिंदे यांच्या वर्षा या शासकीय निवासस्थानी आज होळी साजरी करण्यात आली. त्यावेळी मुख्यमंत्र्यांच्या हस्ते होलिकादहन करण्यात आलं. त्यानंतर मुख्यमंत्र्यांनी राज्यातील जनतेला होळीच्या शुभेच्छा दिल्या. महाराष्ट्रातील सारं दुःखं या होळीत जळून खाक होऊ द्या, महाराष्ट्रातील जनतेच्या मनामध्ये सुख, समृद्धी आणि आनंद भरभरून वाहू द्या, असंही मुख्यमंत्र्यांनी यावेळी म्हटलं आहे.