Doctors' Terror Plot: फरीदाबादमध्ये बॉम्ब फॅक्टरीचा पर्दाफाश, मास्टरमाईंड Dr. Umar Mohammad दिल्लीत ठार?

दिल्लीजवळच्या फरीदाबादमध्ये डॉक्टरांकडून चालवल्या जाणाऱ्या एका मोठ्या दहशतवादी कटाचा पर्दाफाश झाला आहे. या प्रकरणी डॉ. उमर मोहम्मद (Dr. Umar Mohammad) हा मुख्य सूत्रधार असल्याचे समोर आले आहे. हरियाणा आणि जम्मू-काश्मीर पोलिसांनी केलेल्या संयुक्त कारवाईत फरीदाबादमधून मोठ्या प्रमाणात अमोनियम नायट्रेट (Ammonium Nitrate) आणि बॉम्ब बनवण्याचे साहित्य जप्त करण्यात आले. यानंतर दिल्लीतील लाल किल्ल्याजवळ झालेल्या कार बॉम्बस्फोटात डॉ. उमर मोहम्मदचा हात असल्याचा संशय असून, तो स्वतः या स्फोटात मारला गेल्याची शक्यता वर्तवण्यात येत आहे. या संपूर्ण प्रकरणाचा तपास आता राष्ट्रीय तपास यंत्रणेकडे (NIA) सोपवण्यात आला आहे. पंतप्रधान नरेंद्र मोदी यांनी या घटनेवर तीव्र दुःख व्यक्त करत, 'यामागे असलेल्या षडयंत्रकारकांना सोडले जाणार नाही आणि दोषींना नक्कीच शिक्षा होईल,' असे म्हटले आहे.