Dharmendra Health Update : अभिनेते Dharmendra यांची प्रकृती स्थिर, मुलगी Esha Deol ने दिली माहिती

ज्येष्ठ अभिनेते धर्मेंद्र (Dharmendra) मुंबईच्या ब्रीच कँडी रुग्णालयात (Breach Candy Hospital) दाखल असून, त्यांची प्रकृती आता स्थिर आहे. त्यांच्या प्रकृतीबद्दल अनेक अफवा पसरल्यानंतर, त्यांची मुलगी ईशा देओल (Esha Deol) आणि मुलगा सनी देओल (Sunny Deol) यांनी सोशल मीडियाद्वारे माहिती देऊन या अफवांना पूर्णविराम दिला आहे. ईशा देओलने तिच्या सोशल मीडिया पोस्टमध्ये म्हटले आहे की, 'माझे वडील स्थिर आहेत आणि बरे होत आहेत, खोट्या बातम्या पसरवल्या जात आहेत'. धर्मेंद्र यांना काही दिवसांपूर्वी श्वास घेण्यास त्रास होत असल्याने रुग्णालयात दाखल करण्यात आले होते, मात्र आता त्यांच्या प्रकृतीत सुधारणा होत असल्याचे कुटुंबीयांनी स्पष्ट केले आहे. पत्नी हेमा मालिनी (Hema Malini) यांनीही चाहत्यांना प्रार्थना करण्याचे आवाहन केले आहे.