Delhi Blast Probe: दिल्ली स्फोटात श्राप्नेलचा वापर नाही, पोलिसांच्या तपासात मोठा खुलासा

दिल्लीतील लाल किल्ल्याजवळ झालेल्या कार स्फोटाच्या तपासात पोलिसांना धक्कादायक माहिती मिळाली आहे. घटनास्थळावरून स्फोट झालेल्या गाडीचे बॉडी पार्ट्स ताब्यात घेण्यात आले असून, फॉरेन्सिक टीमकडून तपास सुरू आहे. या तपासात, 'स्फोटाच्या जागेवरती श्राप्नेल, खिळे किंवा अणुकुचीदार वस्तू ह्या कोणत्याही स्वरुपात आढळलेल्या नाहीयेत,' अशी माहिती पोलीस सूत्रांनी दिली आहे. या माहितीमुळे स्फोटात कोणत्या प्रकारच्या स्फोटकांचा वापर झाला, या दिशेने तपास यंत्रणा अधिक लक्ष केंद्रित करत आहेत. दिल्ली पोलीस आणि इतर तपास यंत्रणा या प्रकरणाचा सर्व बाजूंनी तपास करत आहेत.