Delhi Blast: फरीदाबादमध्ये 350 किलो स्फोटकांसह डॉक्टरांना अटक, दिल्ली स्फोटाशी कनेक्शन?

राजधानी दिल्लीतील लाल किल्ला (Red Fort) मेट्रो स्टेशनजवळ झालेल्या कार स्फोटात नऊ जणांचा मृत्यू झाला असून तीसहून अधिक जण जखमी झाले आहेत. या घटनेनंतर काही तासांपूर्वी फरीदाबाद (Faridabad) येथे झालेल्या कारवाईची चर्चा सुरू झाली आहे, जिथे फरीदाबाद मेडिकल कॉलेजमधून मोठा शस्त्रसाठा आणि ३५० किलो स्फोटके जप्त करण्यात आली, तसेच दोन डॉक्टरांसह सात जणांना अटक करण्यात आली. 'या प्रकरणातील सर्व शक्यतांची चाचपणी सुरू आहे,' अशी माहिती केंद्रीय गृहमंत्री अमित शाह (Amit Shah) यांनी दिली. शाह यांनी घटनास्थळी आणि रुग्णालयाला भेट देऊन जखमींची विचारपूस केली आणि वरिष्ठ अधिकाऱ्यांसोबत उच्चस्तरीय बैठक घेणार असल्याचे सांगितले.