Delhi Blast: 'अचानक स्फोट झाला, अनेक गाड्या उडाल्या', जखमी Mohammed Dawood ने सांगितला थरार

दिल्लीतील लाल किल्ल्याजवळ झालेल्या भीषण स्फोटात डझनभर नागरिकांचा मृत्यू झाला असून पंचवीस जण जखमी झाले आहेत. जखमींमध्ये उधमसिंह नगर येथील २८ वर्षीय हर्षल सेतिया (Harshal Setia) आणि गाझियाबाद येथील मोहम्मद दाऊद (Mohammed Dawood) यांचा समावेश आहे. 'मी माझ्या बाईकवर होतो, एकदम स्फोट झाला आणि अनेक गाड्या उडाल्या,' अशी माहिती जखमी मोहम्मद दाऊदने दिली. लग्नाच्या खरेदीसाठी कुटुंबासोबत दिल्लीला आलेला हर्षल सेतिया या स्फोटात जखमी झाला असून त्याच्यावर एलएनजेपी (LNJP) रुग्णालयात उपचार सुरू आहेत आणि त्याची प्रकृती धोक्याबाहेर असल्याचे सांगण्यात आले आहे. दाऊदच्या पायाला दुखापत झाली असून, स्फोट इतका भीषण होता की नक्की कोणत्या गाडीत झाला हे कळू शकले नाही, असे त्याने सांगितले.