Delhi Blast: लाल किल्ल्याजवळ भीषण स्फोटात ९ ठार, देशभर हाय अलर्ट, सुरक्षा यंत्रणा सतर्क.

दिल्लीतील ऐतिहासिक लाल किल्ल्याजवळील मेट्रो स्टेशनजवळ सोमवारी, १० नोव्हेंबर २०२५ रोजी झालेल्या एका भीषण कार स्फोटात किमान नऊ जण ठार तर अनेक जण जखमी झाले आहेत. या घटनेनंतर संपूर्ण राजधानी दिल्लीत हाय अलर्ट जारी करण्यात आला असून महाराष्ट्र, उत्तर प्रदेश, हरियाणा आणि उत्तराखंडसह अनेक राज्यांमध्ये सुरक्षा व्यवस्था कडक करण्यात आली आहे. केंद्रीय गृहमंत्री अमित शाह यांनी परिस्थितीचा आढावा घेतला असून, NIA आणि NSG सारख्या केंद्रीय तपास यंत्रणांनी तपास सुरू केला आहे. पोलिसांनी या प्रकरणी UAPA अंतर्गत गुन्हा दाखल केला आहे. 'अफवांवर विश्वास ठेवू नये, सुरक्षा यंत्रणेला सहकार्य करावे, असं आवाहन पोलिसांतर्फे करण्यात आलं आहे.'