Delhi Blast After Visual: दिल्लीत भीषण स्फोटानंतर चांदणी चौकात काय झालं?

दिल्लीतील लाल किल्ला (Red Fort) मेट्रो स्टेशनजवळ सोमवारी संध्याकाळी झालेल्या एका शक्तिशाली कार बॉम्बस्फोटात (Car Bomb Blast) किमान नऊ जणांचा मृत्यू झाला असून २० हून अधिक जण जखमी झाले आहेत. दिल्ली पोलीस आयुक्त सतीश गोल्चा (Satish Golcha) यांनी सांगितले, 'संध्याकाळी ६.५२ च्या सुमारास एक हळू चालणारे वाहन रेड लाईटवर थांबले आणि त्याच वाहनात स्फोट झाला.' या घटनेनंतर जखमींना तातडीने जवळच्या एलएनजेपी (LNJP) रुग्णालयात दाखल करण्यात आले. दिल्ली पोलिसांनी या प्रकरणी बेकायदेशीर हालचाली (प्रतिबंध) कायदा (UAPA) आणि स्फोटक कायद्यांतर्गत गुन्हा दाखल केला असून, तपासकार्यासाठी एनआयए (NIA) आणि एनएसजी (NSG) सारख्या यंत्रणा घटनास्थळी दाखल झाल्या आहेत. केंद्रीय गृहमंत्री अमित शाह (Amit Shah) यांनी घटनास्थळाला आणि रुग्णालयाला भेट देऊन परिस्थितीचा आढावा घेतला आहे.