Delhi Car Blast: स्फोटातील i20 कार फरिदाबादची, बदरपूरमार्गे दिल्लीत एन्ट्री, CCTV फुटेज समोर

दिल्लीतील लाल किल्ल्याजवळ झालेल्या कार स्फोटाच्या तपासात महत्त्वाचे धागेदोरे हाती लागले आहेत. स्फोटासाठी वापरण्यात आलेली Hyundai i20 कार फरिदाबादमधून आली होती आणि बदरपूर सीमेवरून तिने दिल्लीत प्रवेश केला होता. ही गाडी स्फोटापूर्वी सुनहरी मशीदजवळील पार्किंगमध्ये सुमारे तीन तास उभी होती, असे सीसीटीव्ही फुटेजमधून समोर आले आहे. तपास यंत्रणांच्या माहितीनुसार, 'ही कार फरिदाबादवरून दिल्लीमध्ये आल्याचं उघड झालेलं आहे आणि फरिदाबाद स्फोटकाच्या कनेक्शनच्या अनुषंगानं सध्या तपास सुरू आहे'. या गाडीचा चालक डॉ. उमर नावाचा व्यक्ती असून तो फरिदाबादमध्ये उघडकीस आलेल्या दहशतवादी मॉड्यूलशी संबंधित असल्याचा संशय व्यक्त केला जात आहे. या घटनेत नऊ जणांचा मृत्यू झाला असून, तपास यंत्रणांनी UAPA अंतर्गत गुन्हा दाखल केला आहे.