Delhi Blast: दिल्ली स्फोटात शामलीच्या तरुणाचा मृत्यू, लग्नाच्या खरेदीसाठी गेलेला तरुण जखमी

दिल्लीत झालेल्या बॉम्बस्फोटात (Delhi Blast) डझनभर नागरिकांचा मृत्यू झाला असून २५ हून अधिक जण जखमी झाले आहेत. या घटनेने अनेक कुटुंबं उद्ध्वस्त झाली आहेत. मृतांमध्ये शामली गावातील एका तरुणाचा समावेश आहे, तर त्याचा भाऊ गंभीर जखमी आहे. अमरोहा येथील दोन मित्रांचा आणि मेरठच्या मोहसीनचाही या स्फोटात दुर्दैवी मृत्यू झाला. या घटनेतील एक क्रूर योगायोग म्हणजे, २८ वर्षीय हर्षून सेतिया (Harshoon Setia) हा तरुण आपल्या लग्नाच्या खरेदीसाठी दिल्लीत आला होता आणि तोदेखील या स्फोटात गंभीर जखमी झाला. जखमींवर लोकनायक रुग्णालयात (Lok Nayak Hospital) उपचार सुरू आहेत. या स्फोटामुळे संपूर्ण परिसरात भीतीचे वातावरण असून, मृतांच्या कुटुंबीयांवर दुःखाचा डोंगर कोसळला आहे.