Delhi Blast Probe : स्फोटामागे 'डॉक्टर्स ऑफ डेथ'? NIA कडून Hyundai i20 गाडीचा तपास सुरू.

दिल्लीतील लाल किल्ल्याजवळ झालेल्या कार बॉम्बस्फोटात १२ जणांचा मृत्यू झाला असून अनेक जण जखमी झाले आहेत. या घटनेनंतर संपूर्ण दिल्लीत हाय अलर्ट जारी करण्यात आला आहे. केंद्रीय गृह मंत्रालयाने या प्रकरणाचा तपास राष्ट्रीय तपास यंत्रणेकडे (NIA) सोपवला आहे. तपासात 'डॉक्टर्स कनेक्शन' समोर आले असून, फरीदाबादमधील एका मोठ्या दहशतवादी मॉड्यूलशी याचे धागेदोरे जोडले जात आहेत. 'या कटामागे असलेल्या सूत्रधारांना सोडले जाणार नाही, जबाबदार असलेल्या सर्वांना न्याय मिळेल,' असे पंतप्रधान नरेंद्र मोदी यांनी म्हटले आहे. फॉरेन्सिक टीमने स्फोट झालेल्या Hyundai i20 गाडीचे टायर आणि सीएनजी सिलेंडरसह ४२ नमुने गोळा केले असून, कोणत्या प्रकारच्या स्फोटकांचा वापर झाला याचा तपास सुरू आहे.