Delhi Blast Probe: NIA कडून तपास सुरू, Faridabad मधून Dr. Adil आणि Muzammil ला अटक.

दिल्लीतील लाल किल्ल्याजवळ झालेल्या स्फोटानंतर तपास यंत्रणांनी कारवाई तीव्र केली आहे. दिल्ली पोलीस आणि राष्ट्रीय तपास संस्थेने (NIA) अनेक ठिकाणी छापे टाकले असून, या प्रकरणाचा तपास आता एनआयएकडे सोपवण्यात आला आहे. फरिदाबादमधून डॉक्टर आदिल आणि मुझम्मिल यांना अटक करण्यात आली आहे, तर लखनऊमध्ये एटीएस आणि जम्मू-काश्मीर पोलिसांनी डॉक्टर मुझम्मिलचा मित्र डॉक्टर परवेझच्या घरी छापे टाकले. तपास यंत्रणांनी 'स्फोट जिथे झाला त्याच्या आजूबाजूच्या परिसरातनं मोबाईल फोनचा डेटा गोळा केला जात असल्याची माहिती मिळते.' यासह सुमारे १०० सीसीटीव्ही फुटेजच्या आधारे तपास सुरू केला आहे आणि सोशल मीडियावरही करडी नजर ठेवली आहे. या घटनेच्या पार्श्वभूमीवर मुंबईसह देशभरातील महत्त्वाच्या शहरांमध्ये हाय अलर्ट जारी करण्यात आला आहे.