Delhi Blast: भूतानमधून परतताच PM Modi घेणार CCS बैठक, जोरदार प्रत्युत्तराचा दिला इशारा

दिल्लीतील लाल किल्ल्याजवळ झालेल्या कार स्फोटानंतर केंद्र सरकार अॅक्शन मोडमध्ये आले आहे. पंतप्रधान नरेंद्र मोदी (PM Narendra Modi) त्यांच्या भूतान दौऱ्यावरून परतल्यानंतर आज, बुधवारी, कॅबिनेट सुरक्षा समितीची (Cabinet Committee on Security - CCS) बैठक घेणार आहेत. भूतानमधून बोलताना पंतप्रधान मोदींनी हल्ल्यामागे असलेल्यांना सोडले जाणार नाही, असा इशारा दिला. त्यांनी सांगितले, 'या धक्कादायक कटामागे जे कोणी आहेत, त्यांना कायद्याच्या कचाट्यात आणले जाईल आणि त्यांना कोणत्याही परिस्थितीत सोडले जाणार नाही'. या बैठकीत दिल्ली स्फोटाच्या तपासावर आणि पुढील रणनीतीवर चर्चा होण्याची शक्यता आहे, त्यामुळे संपूर्ण देशाचे लक्ष या निर्णयाकडे लागले आहे.