Delhi Blast: 'मृतांचा आकडा वाढण्याची भीती', राजधानी हादरली; Mumbai मध्ये हाय अलर्ट

राजधानी दिल्लीतील लाल किल्ला (Red Fort) परिसरात झालेल्या गाडीच्या स्फोटामुळे (Car Blast) संपूर्ण शहर हादरले असून, दिल्लीत हाय अलर्ट (High Alert) जारी करण्यात आला आहे. 'मृतांचा आकडा वाढण्याची भीती व्यक्त होत आहे', असे सूत्रांकडून सांगण्यात आले आहे. या स्फोटात आतापर्यंत दोघांचा मृत्यू झाला असून अनेक जण गंभीर जखमी झाले आहेत. घटनेनंतर दिल्ली पोलिसांनी (Delhi Police) संपूर्ण परिसर सील केला असून तपास सुरू केला आहे. सुरुवातीला गाडीला आग लागल्याचा संशय होता, पण नंतर हा स्फोट असल्याचे स्पष्ट झाले. या घटनेच्या पार्श्वभूमीवर देशाची आर्थिक राजधानी मुंबईतही (Mumbai) हाय अलर्ट घोषित करण्यात आला आहे. सुरक्षा यंत्रणांनी नागरिकांना सतर्क राहण्याचे आणि कोणतीही संशयास्पद वस्तू किंवा व्यक्ती आढळल्यास तात्काळ माहिती देण्याचे आवाहन केले आहे.