गणेशोत्सवाच्या काळात मुंबई-गोवा राष्ट्रीय महामार्गावर अवजड वाहनांना बंदी, वाहतूक कोंडी टाळण्यासाठी निर्णय

गणेशोत्सवाच्या काळात मुंबई-गोवा या राष्ट्रीय महामार्ग क्रमांक 66 वर सर्व वाहने ज्यांची वजन क्षमता 16 टन किंवा 16 टनापेक्षा जास्त आहे. अशा जड अवजड वाहने, ट्रक, मल्टी ॲक्सल, ट्रेलर वाहनांची वाहतूक उद्यापासून 10 सप्टेंबर रात्री 8 वाजेपर्यंत पूर्णतः बंद राहणार आहे. दूध, पेट्रोल/डिझेल, स्वयंपाकाचे गॅस सिलेंडर, लिक्वीड मेडिलक ऑक्सिजन, भाजीपाला आदी जीवनावश्यक वस्तू वाहून नेणाऱ्या वाहनांना ही बंदी लागू राहणार नाही, अशी माहिती जिल्हा वाहतूक शाखेचे पोलीस निरीक्षक अमित यादव यांनी दिली.