Cyclone Alert: 'Montha' आंध्रच्या किनारपट्टीवर धडकणार, विदर्भालाही जोरदार पावसाचा धोका!', IMD चा इशारा

बंगालच्या उपसागरात घोंघावणाऱ्या 'मोंथा' (Montha) चक्रीवादळाची तीव्रता वाढली असून, भारतीय हवामान विभागाने (IMD) अनेक राज्यांना सतर्कतेचा इशारा दिला आहे. हवामान विभागाच्या अंदाजानुसार, 'या चक्रीवादळाचा विदर्भात प्रभाव राहणार असून वादळी वाऱ्यासह जोरदार पावसाचा अंदाज वर्तवण्यात आलाय'. हे तीव्र चक्रीवादळ आज (२८ ऑक्टोबर) संध्याकाळी आंध्र प्रदेशच्या (Andhra Pradesh) किनारपट्टीवर काकीनाडाजवळ धडकणार आहे. किनारपट्टीवर ११० किमी प्रतितास वेगाने वारे वाहण्याची शक्यता असून, आंध्र प्रदेशातील अनेक जिल्ह्यांमध्ये 'रेड अलर्ट' जारी करण्यात आला आहे. या चक्रीवादळाच्या प्रभावामुळे महाराष्ट्रातील विदर्भातही जोरदार पावसाचा अंदाज असून नागपूर, चंद्रपूर, आणि गडचिरोलीसह अनेक जिल्ह्यांना 'यलो अलर्ट' देण्यात आला आहे.