Shaniwarwada Row : 'शनिवार वाड्याच्या इतिहासात दर्गा नव्हता', दर्गा हटवण्यासाठी Hindu संघटना आक्रमक

पुण्यातील शनिवारवाड्यामध्ये (Shaniwar Wada) नमाज पठण झाल्याच्या कथित व्हिडिओनंतर हिंदू संघटना आक्रमक झाल्या आहेत. खासदार मेधा कुलकर्णी (MP Medha Kulkarni) यांनी हा व्हिडिओ शेअर केल्यानंतर पतित पावन संघटना आणि सकल हिंदू समाजाने आंदोलन सुरू केले. 'शनिवार वाड्याच्या इतिहासात इथं कुठेही दर्गा नव्हता, तो हटवा,' अशी मागणी करत आंदोलकांनी जोरदार घोषणाबाजी केली. आंदोलकांनी शनिवारवाड्याच्या परिसरात गोमूत्र शिंपडून शुद्धीकरण केले आणि वाड्याला लागून असलेला दर्गा आणि हिरवा झेंडा काढण्याची मागणी केली. पोलिसांचा मोठा फौजफाटा तैनात असूनही, आंदोलक आपल्या मागण्यांवर ठाम आहेत. या प्रकरणी नमाज पठण करणाऱ्या महिलांवर गुन्हा दाखल करावा आणि दर्गा त्वरित हटवावा, अशी त्यांची मुख्य मागणी आहे.