Nagpur Congress Protest : 'आयुक्त आल्याशिवाय हटणार नाही', Nagpur मध्ये काँग्रेस आक्रमक

नागपूरमध्ये (Nagpur) काँग्रेसने (Congress) विविध नागरी समस्यांवरून महानगरपालिका कार्यालयात जोरदार आंदोलन केले. आमदार आणि शहराध्यक्ष विकास ठाकरे (Vikas Thackeray) यांच्या नेतृत्वाखाली कार्यकर्ते आक्रमक झाले आणि त्यांनी पालिका आयुक्त अभिजित चौधरी (Abhijit Chaudhari) यांच्या कार्यालयाबाहेर घोषणाबाजी केली. 'पालिका आयुक्त इथे येणार नाही, तोपर्यंत आंदोलन मागे घेणार नाही', अशी भूमिका आंदोलकांनी घेतली. शहरातील साचलेला कचरा, तुंबलेली ड्रेनेज व्यवस्था आणि खराब रस्ते यांसारख्या पायाभूत सुविधांच्या अभावामुळे हे आंदोलन पुकारण्यात आले. दोन वर्षांपासून नागपूर मनपावर प्रशासक राजवट असल्याने आणि प्रशासन नागरिकांच्या तक्रारींकडे दुर्लक्ष करत असल्याचा आरोप काँग्रेसने केला आहे. आंदोलकांनी पोलिसांचे बॅरिकेड्स तोडून आयुक्तांच्या दालनापर्यंत धडक मारली आणि कार्यालयाबाहेरील कुंड्यांची तोडफोड केली.