Congress vs Savarkar : रणजीत सावरकर यांते नेहरुंवर गंभीर आरोप, काँग्रेस नेत्यांचा पलटवार ABP Majha

मुंबई: स्वातंत्र्यवीर सावरकरांनी ब्रिटिशांना लिहिलेले पत्र वाचून, खासदार राहुल गांधी यांनी त्यांच्यावर केलेले आरोप चुकीचे होते. कारण सावरकरांच्या इंग्रजी पत्राचा मुळात त्यांनी केलेला अनुवादच चुकीचा होता, असं स्वातंत्र्यवीर सावरकरांचे नातू रणजीत सावरकर यांनी स्पष्ट केलं आहे.

राहुल गांधी यांनी अकोल्यातल्या पत्रकार परिषदेत सावरकरांचं पत्र दाखवून त्यांच्यावर पुन्हा काही वादग्रस्त आरोप केले होते. त्याविषयी खुलासा करताना रणजीत सावरकर म्हणाले की, "स्वातंत्र्यवीर सावरकर यांनी ब्रिटिश अधिकाऱ्यांकडे केलेला अर्ज हा इतर कैद्यांच्या सुटकेसाठी होता. त्यांनी त्या अर्जात ही माझी माफी आहे, असं कुठेही म्हटलेलं नाही. मी नोकर व्हायला तयार आहे, हे राहुल गांधींनी उच्चारलेलं वाक्य सावरकरांच्या मूळ पत्रात नाही. राहुल गांधींनी पत्राचा चुकीचा अनुवाद केला."