Tainted Leaders: 'ड्रग्स विकणाऱ्यांसाठी भाजपने मशीन आणलीय', Vijay Wadettiwar यांची टीका

तुळजापूर ड्रग्स प्रकरणातील आरोपी संतोष परमेश्वर (Santosh Parameshwar) याने भारतीय जनता पक्षात (BJP) प्रवेश केल्याने राजकीय वाद निर्माण झाला आहे. आगामी तुळजापूर नगरपरिषद निवडणुकीच्या (Tuljapur Municipal Council Election) पार्श्वभूमीवर हा पक्षप्रवेश झाल्याने काँग्रेसने (Congress) आक्रमक भूमिका घेतली आहे. काँग्रेसचे विधिमंडळ नेते विजय वडेट्टीवार (Vijay Wadettiwar) यांनी भाजपवर जोरदार टीका केली आहे. वडेट्टीवार म्हणाले, 'जो ड्रग्स विकणारा असेल, माफिया असेल, गुंड असेल, त्याच्यासाठी भाजपने मोठी मशीन ठेवली आहे, त्यात घालतात, बाहेर काढतात आणि शुद्ध करून घेतात'. या पक्षप्रवेशामुळे निवडणुकीत ड्रग्सचा मुद्दा गाजण्याची शक्यता निर्माण झाली आहे.