City 60 : मेट्रो शहरातील बातम्यांचा वेगवान आढावा सुपरफास्ट ABP Majha : 18 July 2024

पूजा खेडकर यांच्या आई मनोरमा खेडकरांना पुणे पोलिसांनी महाडमधून केली अटक, शेतकऱ्यांना धमकवल्याप्रकरणी मनोरमा खेडकर अटकेत. 

मनोरमा खेडकर यांना तीन दिवसांची पोलीस कोठडी, मनोरमा खेडकरांवर जीवे मारण्याचा गुन्हा दाखल,  खेडकरांच्या अडचणीत आणखी वाढ होण्याची शक्यता.

अटक टाळण्यासाठी दिलीप खेडकर यांचा पुणे सत्र न्यायालयात अटकपूर्व जामीन अर्ज. मुळशी तालुक्यातील धडवली गावातील शेतकऱ्यांना बंदुकीचा धाक दाखवून धमकावल्याच्या गुन्ह्यात दिलीप खेडकर सहआरोपी. पुणे पोलिसांकडून दिलीप खेडकरा़ंचा शोध सुरु.

वादग्रस्त आयएएस अधिकारी पूजा खेडकर यांना पुणे जिल्ह्याधिकारी आपला जबाब नोंदवण्यासाठी हजर राहणं बंधनकारक होतं, मात्र त्या आजही वाशिमच्या शासकीय विश्रामगृहात मुक्कामी.

अहमदनगरच्या जिल्हाधिकाऱ्यांनी पूजा खेडकरांची माहिती विभागीय आयुक्तांकडे पाठवली, २०२२मध्ये नगरमधून खेडकरांनी मिळवलं होतं नॉन क्रिमीलेअर प्रमाणपत्र.

दृष्टीहिन व्यक्तींच्या संघटनेच्या वतीनं खेडकरांविरोधात आंदोलन. खेडकर यांनी दिव्यांग आणि अपंगत्वाचं प्रमाणपत्र घेतल्यासंदर्भात खेडकरसह त्यांना प्रमाणपत्र देणाऱ्या अधिकाऱ्यांवर कारवाई करावी अशी केली मागणी. 

कोल्हापूरच्या विशाळगड पायथ्याला असणाऱ्या गजापूरला उपमुख्यमंत्री अजित पवार यांनी दिली भेट. यावेळी नागरिकांनी हिंसाचार कसा घडला याची माहिती दिली. अनधिकृतपणे घरं पावसाळ्यानंतर काढण्याचं अजित पवारांचं आश्वासन.