Expressway Map Leak: संभाजीनगर-पुणे महामार्गाचा नकाशा प्रसिद्धीपूर्वीच व्हायरल, शेतकरी अनभिज्ञ

छत्रपती संभाजीनगर ते पुणे या नव्या ग्रीनफिल्ड महामार्गाचा नकाशा अधिकृतपणे प्रसिद्ध होण्याआधीच सोशल मीडियावर व्हायरल झाल्याने खळबळ उडाली आहे. यामुळे पुणे आणि मुंबईतील व्यावसायिक आणि गुंतवणूकदारांनी या भागातील जमिनी खरेदी करण्यासाठी मोठी गर्दी केली आहे, तर अनेक स्थानिक शेतकऱ्यांना त्यांच्या जमिनीतून महामार्ग जाणार असल्याची माहितीच नाही. 'पुण्याचे आणि मुंबईचे बिल्डर्स रोज दोन-तीन डील करत आहेत आणि जमिनीचे भाव सव्वा दोन कोटी ते साडेतीन कोटींपर्यंत गेले आहेत,' अशी माहिती स्थानिक ब्रोकर्सनी दिली आहे. हा नकाशा नॅशनल हायवे विभाग आणि एमएसआरडीसी (MSRDC) यांसारख्या केवळ तीन विभागांकडेच उपलब्ध होता, त्यामुळे तो बाहेर कसा आला, याची चौकशी करण्याची मागणी होत आहे. MSRDC चे मुख्य अभियंता रणजित हांडे यांनी हा नकाशा खरा असल्याचे मान्य केले आहे.