Chhath Puja Politics: मुंबईत छठ पूजेची तयारी, मंत्री Lodha आणि अध्यक्ष Satam घेणार 'BMC'चा आढावा

मुंबईतील छठ पूजेच्या तयारीचा आढावा घेण्यासाठी भाजप नेते आणि मंत्री मंगलप्रभात लोढा व मुंबई भाजप अध्यक्ष अमित साटम पाहणी दौरा करणार आहेत. येत्या २७ आणि २८ ऑक्टोबरला होणाऱ्या या उत्सवासाठी मुंबई महानगरपालिकेकडून (BMC) करण्यात आलेल्या तयारीची पाहणी केली जाईल. हा पाहणी दौरा जुहू चौपाटीवरून सुरू होईल आणि त्यानंतर वरळीतील जांबोरी मैदान व दक्षिण मुंबईतील बाणगंगा येथील तयारीचाही आढावा घेतला जाणार आहे. मुंबईतील सुमारे ६० ठिकाणी पूजेचे आयोजन करण्यात आले असून, भाविकांसाठी पिण्याचे पाणी, प्रकाश व्यवस्था, महिलांसाठी कपडे बदलण्याची सोय आणि शौचालये यांसारख्या सुविधा उपलब्ध करून दिल्या जात असल्याची माहिती आहे.