Railway Accident रेल्वे कर्मचाऱ्यांचे आंदोलन वाढवणाऱ्या कर्मचाऱ्यांवर कारवाई होणार -जनसंपर्क अधिकारी

मध्य रेल्वेच्या (Central Railway) कर्मचाऱ्यांनी काल संध्याकाळी अचानक आंदोलन पुकारल्याने मुंबईतील प्रवाशांचे प्रचंड हाल झाले. मुंब्रा येथे जून महिन्यात झालेल्या रेल्वे अपघाताप्रकरणी (Mumbra Accident) दोन अभियंत्यांवर गुन्हा दाखल केल्याच्या निषेधार्थ हे आंदोलन करण्यात आले. या पार्श्वभूमीवर, 'आंदोलन वाढवणाऱ्या कर्मचाऱ्यांवरती कारवाई केली जाईल', अशी स्पष्ट प्रतिक्रिया रेल्वेचे मुख्य जनसंपर्क अधिकारी (CPRO) डॉक्टर स्वप्नील निला (Dr. Swapnil Nila) यांनी दिली आहे. सेंट्रल रेल्वे मजदूर संघ (CRMS) आणि इतर संघटनांच्या नेतृत्वाखाली झालेल्या या आंदोलनामुळे CSMT, दादर, ठाणे आणि कल्याणसह प्रमुख स्थानकांवर लोकल सेवा सुमारे तासभर ठप्प झाली होती, ज्यामुळे संध्याकाळी घरी परतणाऱ्या प्रवाशांना मोठा मनस्ताप सहन करावा लागला. या आंदोलनादरम्यान झालेल्या गर्दी आणि गोंधळामुळे सँडहर्स्ट रोडजवळ रेल्वे रुळावरून चालणाऱ्या प्रवाशांना अपघात होऊन मृत्यू झाल्याची दुर्दैवी घटनाही घडली.