Mundhwa Land Scam : '99% भागीदारी असूनही Parth Pawar यांच्यावर गुन्हा का नाही?'

पुण्यातील मुंढवा (Mundhwa) येथील वादग्रस्त जमीन खरेदी (Land Deal) प्रकरणात पार्थ पवार (Parth Pawar) यांचे व्यावसायिक भागीदार आणि मामेभाऊ दिग्विजय पाटील (Digvijay Patil) यांच्यासह तहसीलदार सूर्यकांत येवले (Suryakant Yewale) यांच्यावर गुन्हे दाखल झाले आहेत. 'जर एका व्यावसायिक भागीदारावर गुन्हा दाखल करण्यात आलाय तर दुसरा भागीदार असलेल्या पार्थ यांच्यावर गुन्हा का नाही?' असा प्रश्न आता उपस्थित होत आहे. अवेडिया (Avedia) कंपनीमध्ये पार्थ पवार यांची ९९ टक्के भागीदारी असताना, केवळ एक टक्का भागीदार असलेल्या दिग्विजय पाटील यांच्यावर कारवाई करण्यात आल्याने आश्चर्य व्यक्त होत आहे. सुमारे ५.८९ कोटी रुपयांचे मुद्रांक शुल्क बुडवून शासनाची फसवणूक केल्याचा आरोप आहे. या प्रकरणात पॉवर ऑफ अटॉर्नीधारक शीतल तेजवानी (Sheetal Tejwani) आणि तत्कालीन सह-निबंधक रवींद्र तारू (Ravindra Taru) यांच्यावरही गुन्हा दाखल झाला आहे. प्रांताधिकाऱ्यांच्या तक्रारीनंतर तहसीलदार सूर्यकांत येवले यांच्यावरही स्वतंत्र गुन्हा दाखल झाला असून, या प्रकरणातही पार्थ पवारांचे नाव नाही.