Bus Submerged | Chandrapur मध्ये Underpass मध्ये बस बुडाली, प्रवासी सुरक्षित

चंद्रपूरमध्ये एक नादुरुस्त बस अंडरपासमध्ये बुडाल्याचे चित्र समोर आले आहे. ही घटना चंद्रपूर जिल्ह्यातील काटवन येथील आहे. प्रवासी बस अंडरपासजवळ येताच बिघडली. बस बिघडल्याने प्रवाशांना तात्काळ बाहेर काढण्यात आले. त्यानंतर झालेल्या मुसळधार पावसामुळे अंडरपासमध्ये मोठ्या प्रमाणात पाणी साचले आणि ही बस पूर्णपणे पाण्याखाली गेली. सुदैवाने, प्रवासी आधीच खाली उतरल्यामुळे कोणतीही जीवितहानी झाली नाही. या घटनेमुळे परिसरात काही काळ वाहतूक विस्कळीत झाली होती. प्रशासनाने तात्काळ घटनास्थळी धाव घेऊन परिस्थिती नियंत्रणात आणली. बस बाहेर काढण्याचे प्रयत्न सुरू आहेत. या घटनेने पावसाळ्यात अंडरपासमधील सुरक्षिततेचा प्रश्न पुन्हा एकदा ऐरणीवर आला आहे.