BMC Elections: मुंबई महानगरपालिका आरक्षण सोडत जाहीर, महिलांसाठी 50% जागा राखीव, पाहा संपूर्ण तपशील

मुंबई महानगरपालिका (BMC) निवडणुकीसाठी बहुप्रतिक्षित प्रभाग आरक्षण सोडत जाहीर झाली आहे. एकूण २२७ जागांपैकी ५०% म्हणजेच ११४ जागा महिलांसाठी राखीव ठेवण्यात आल्या आहेत, ज्यामुळे पालिकेत महिलांचे वर्चस्व दिसणार आहे. याशिवाय, अनुसूचित जाती (SC) साठी १५ जागा (८ महिलांसाठी), अनुसूचित जमाती (ST) साठी २ जागा (१ महिलेसाठी), आणि इतर मागासवर्गीयांसाठी (OBC) ६१ जागा (३१ महिलांसाठी) आरक्षित करण्यात आल्या आहेत. उर्वरित १४९ जागा खुल्या प्रवर्गासाठी असून, त्यापैकी ७४ जागांवर महिलांना संधी मिळणार आहे. 'मुंबई महानगरपालिकेमध्ये जवळपास ५० टक्के जागा महिलांसाठी राखीव असल्याने, यावेळेला महिला राज पाहिला मिळणार आहे.'